കേരള സർക്കാരിന്റെ പ്രവാസികളോടുള്ള കരുതൽ സ്വാഗതാർഹം : കേളി

കോവിഡ് 19നെ സാന്ത്വന ചികിത്സാ രോഗങ്ങളുടെ പട്ടികയിൽ ഉൾപ്പെടുത്തുകയും ഇതിലൂടെ ക്ഷേമനിധിയിൽ അംഗങ്ങളല്ലാത്ത കോവിഡ് പോസിറ്റീവായ പ്രവാസികൾക്കും 10,000 രൂപ സഹായം ലഭിക്കും. 2020 ജനുവരി ഒന്നിന് ശേഷം വാലിഡായ പാസ്പോർട്ട്, തൊഴിൽ വിസ എന്നിവയുമായി വിദേശരാജ്യങ്ങളിൽ നിന്ന് നാട്ടിലെത്തി തിരിച്ചുപോകാൻ സാധിക്കാത്തവർക്കും ലോക്ക്ഡൗൺ കാലയളവിൽ വിസ കാലാവധി തീർന്നവർക്കും 5000 രൂപ അടിയന്തര സഹായം നോർക്ക നൽകും. കോവിഡ് മഹാമാരിയിൽ ലോകമെങ്ങും സ്തംഭിച്ചിരിക്കുമ്പോൾ കേരളത്തിലെ ഇടതുപക്ഷ സർക്കാർ അതിനെ പ്രതിരോധിക്കാൻ എടുക്കുന്ന നടപടികളും ലോക്ഡൗൺ മൂലം ദുരിതമനുഭവിക്കുന്നവർക്ക് ആശ്വാസമേകാൻ പ്രഖ്യാപിച്ച നിരവധി പദ്ധതികളും കേരളമോഡൽ എന്നപേരിൽ ലോകശ്രദ്ധ ആകർഷിച്ചതോടൊപ്പം ഇന്ത്യ മുഴുവൻ അത് വ്യാപിപ്പിക്കാൻ കേന്ദ്ര സർക്കാർ മറ്റു സംസ്ഥാനങ്ങളോട് നിർദ്ദേശിച്ചിരിക്കുന്നതും കേരളീയർക്ക് മൊത്തം അഭിമാനാർഹവുമാണെന്ന് കേളി സൂചിപ്പിച്ചു.